The Valley Ethiopian Friendship Circle’s Poem

   ምርጥ ዓለም ፤ ምርጥ ናት አልሞተችም ሕያው ናት

በወንጌል ማመኗ ጨመረላት ሕይወት።

በጭብጧ ይዛ ኪዳነ ምህረትን፤ኪዲዬ እያለች፤

በእለተ ቀኗ ወስዳ ከልጄ አጠገብ ሁኝልኝ አለች።

ሁልጊዜ ፈገግታ፡ ሁልጊዜ መፍለቀለቅ፡ሁልጊዜ ቁምነገር፡

ምንጊዜም አይረሳም የምርጥ ዓለም ነገር ፡ የምርጥ ዓለም ፍቅር።

በሀይማኖት ፀንተሽ ፡እግዜርን ማመንሽ፡

የተባረከ ባል፡የተቀደሱ ልጆች እግዜር አደለሸ።

ጥሩ እናት፡ ጥሩ ባል፡ ጥሩ እህቶች እያሉሽ፡

ወዳጅ ጓደኞችሸ ምርጥዬ እያሉሽ፤

የልጆችሽ ፍቅር ገና ሳያልቅልሸ፤

የመኩዬ ፍቅር ገና ሳያልቅልሽ፤

የእህት የወንድም ፍቅር ገና ሳያልቅልሽ፤

የጓደኛ ፍቅር ገና ሳያልቅልሽ፤

የወገን አዝማድ ፍቅር ገና ሳያልቅልሽ፤

ምን አስቸኩሎሸ ነው እንደቀልድ ያመለጥሽ።

በአካል ብትለይን ከቤትሽ ብናጣሸ

በመንፈስ ሁልጊዜ ከሁላችን ጋር ነሽ።

ሕዝቡ እርር ብሎ እንዲህ ያለቀሰው፡

ምን ብታደርጊለት ፤እንዴት ቢወድሸ ነው።

መኩዬ ፤ሜሮንና ሜላት እግዚአብሔር ያጥናቸሁ፤

ዉዷ ምርጥዓለምን በቅርብ ስላጣችሁ።

ወንድም እህቶቿ ጓደኞቿ ሁሉ እግዚአብሔር ያጥናችሁ፡

ደግ ሩህሩህ እህት ምርጥን ስላጣቸሁ።

ምርጥዓለም እህታችን የምንወደሽ፡

ኪዲዬ በዕለቷ መርጣ የወስደችሽ፤

ከልጇ አጠገብ ስታስቀምጥሽ ፤

እኛም ወገኖችሸ የምንፀልይልሸ

መንግስተ ሰማያትን እግዜር ያውርስሸ።

ከቫሌ የኢትዮጵያውያን ማህበር 

Leave a Reply

Your email address will not be published. Required fields are marked *