Kidus Gabriel Mehaber’s Poem

ከቅዱስ ገብርኤል ማህበራን

መጣን በር አንኳክተን

ልንጠይቅሽ ብለን

የገብርኤል ልጆች በወግ ተሰባስበን

የለችም ይሉናል ምንድነው ነገሩ

ወዴት ሄዳብን ነው ምርጥዬ ከምሩ

እደጅሽ ቆመናል ክፈቺ በሩን

የገብርኤል ልጆች ናፍቀናል አንቺን

የመላእክቶች እህት በጣም ተናፋቂ

ምርጥዓለም አንቺ ነሽ በዓለም ተደናቂ

እንዳንቺ አይነት እህት የትም አናገኝም

ባክሽ ተነሺና አጫውቺን ሁሉንም

እስኪ ሣቂ እንይሽ ቀልድም እንንገርሽ

ምንድነው ዝምታሽ ምነው ዛሬ ደከምሽ

መኩዬ ተነሣ ተጫወቺ በላት

ሜላትና ሜሮን ተጫወቺ በሏት

ምንትዋብ ተነሺ ተጫወቺ በያት

ማርትዬ ተነሺ ተጫወቺ በያት

ወንድሞቿ ሁሉ ተጫወቺ በሏት

ዘመድ ጓደኞቿ ተጫወቺ በሏት

እንዲህ አናውቃትም ምርጥዬን በኩራት

እንግዲህ ምርጥዓለም ልናይሽ አልቻልንም

ፈጣሪዬን ብለሽ ሄደሻል በመቅደም

እግዚአብሔር መርጦሻል ሊያደርግሽ ከጎኑ

ከመላእክቶች ጋር ሊያኖርሽ በውኑ

እንወድሻለን እናፈቅርሻለን እናከብርሻለን

ምንግዜም አንረሳም ያንን ደግነትሽን ያንን ፈገግታሽን

እግዚአብሔር ካንቺ ይሁን ከጎኑ ያስቀምጥሽ

የገብርኤል ልጆች መጥተን እስክናይሽ እስክናጫውትሽ

ምርጥዬ ደህና ሁኚ እስክንጎበኝሽ

መኩዬ ልጆቿ እህት ወንድሞቿ ጓደኞቿ ሁሉ

ጽናትን ብርታትን ፍቅርን ጥንካሬን ይስጣችሁ ኃያሉ

በ ዮናስ ተሰማ

Leave a Reply

Your email address will not be published. Required fields are marked *